Sammi I love you !

呢篇要用白話

唔知點解，睇到sammi今日跳到發晒顛，有d 預感佢今次跳到咁顛，會係佢既最後一次。話晒都30有5喇佢，一跳跳幾個字，真係驚佢哮喘發! 發顛代表投入，表演最緊要個表演者投入，唔係當一份工咁做，先對得住畀錢買飛既觀眾。你跳得愈投入，我嗌得愈大聲，台上台下互動，咁先至難忘，唔似得幾年前睇kelly...個dancer仲投入過佢，台上台下完全connect唔到，睇完之後反而令你討厭佢，呢d就叫失敗。

如今要搵一個唱慢歌又得，唱快歌又得，起碼唱live時你唔會提心吊膽佢會走音，亦唔會等待佢走音位，唔走音就好似係bonus咁，而且著衫又型，要妖豔得，要cool得，要斯文又得，在台上又有台型，又會投入去做一個show的本地歌手，除了sammi，我真係搵唔到第二個。

而家個人仲好hyper，好想跳舞，有冇人有興趣一齊跳《煞科》？哈哈哈

p.s. 今晚嘉賓係鄭融，唱sammi 的如何掉眼淚，入兩次都入唔到，把聲勁沙，好心唔好浦咁多啦，我寧願冇嘉賓。