像古巨基這般的一個無緋聞無負面新聞，畫得一手得意公仔，唱功又了得的歌手，應該不會令人討厭，但他就是缺乏了點點的星味去令人「迷戀」。當初他從情深深雨蒙蒙回來現代世界時，他是用聲音吸引人，但久而久之，首首歌都差不多，不會跳舞更沒有電影支持，hardcore的支持者雖然猶在，但當初被《必殺技》等歌曲吸引的，難免自動離開。
個concert舞台搞好多花臣，一時有蜘蛛，一時有雙龍，不過有好多鋪排都係不明所以，例如隻蜘蛛出現了半首歌的時間就玩完，古巨基無端端換件怪衫，在台上行了未夠一個圈又收皮，rundown怪怪的。最衰既係，concert主要由個音樂劇帶動，但當中又插入側田/古巨基扮郭富城之類的環節，搞到我不知道幾時係真古巨基，幾時係假古巨基。mandy (陳柏霖之女)跳得幾好睇，不過跳來跳去都是那幾個舞步，以為跳完，半句鐘後又出現，怪。
最gap都係玉女掌門人出場，講咁多煽情野真係over左好多，古巨基仲要喊，足足喊足兩首歌既時間，都係over左，整個過程都係好假同多餘。
這個是古巨基，我不應該expect佢跳《唱這歌》時會有城城的水準，但，跳多兩步，出多兩錢力都得掛!
雖則如此，古巨基係唱得好，我會繼續以非法下載mp3的方式支持佢，下次開show可以再看，不過，睇二百蚊算喇!
You write very well.
ReplyDelete