blur/CWB/Nov09/D90泛民主派(民主黨除外)︰
開始覺得左派罵你們罵得沒有錯。
四年前是這樣，四年後都是這樣。
正苦的那個所謂「增加了民主成分」的政改方案固然令人洩氣，而唐英年的那副咀臉又的確叫人想打他一身，但你們的所謂鬥爭方式更令人氣憤。2007年冬天的那個決定，就早把2012年普選在選擇項目上剔除，再講，都沒有什麼意義，除非有人自認為是那麼把砲，可以把那個決定推翻。
否則，請那些手持支持普選支持民主的選票的議員們，檢討一下這幾年來，除了遊行、擲蕉，又為你們心目中那最終目標做過什麼有建設性的？市民選了你們入立法會，明白遊戲規則的，都不期望你們可以做出什麼有建設式的東西來，但，你竟說因為爭取民主，就要五區請辭，實在叫我這個當初自動為你們配票以求你們爭取到最多議席的選民摸不著頭腦。
你們說五區請辭等如變相公投，認為民意是鬥爭的最佳武器。其實公投這回事，何秀蘭不是一直也在搞，只是搞下搞下就沒有下文。聽說要搞一個全民公投所費不菲，如果投出來的結果不如所願，捉蟲的效果達到極致，公投一點都不好搞。至於民意，一直都顯而易見。支持民主普選的民意一直都佔多數，而這個民意一直都在，民調一直都在做，亦在立法會選舉中反映出來，泛民主派在區議會和選委會都「大勝」過。只是，那又如何？
你們又為何認為一個陳偉業，可以爭取到當初支持何俊仁李永達李卓人等等民主派參選人的票？如果支持民主派的票可以如左派的票那麼容易支配，當初你們就不用為配票而不果而那麼頭痕了。
市民要投的，都投了給你們。可惜多年以來，所謂「鬥爭」的局面，都只是你們有你們鬧，正苦的法案照樣地通過，北京生日就照樣不預你，大家各走各路。
說實在的，對於這個局面，感覺到悶透之餘，亦感到十分無力。
所欠缺的，就是一個突破。
希望在局中的你們，保持清醒，不要被《蘋果日報》捧為「義不容辭」而自命大有英雄之捨己之意。請以理據說服我。
選民E上
選民e:
ReplyDelete你所說的，再同意沒有。
選民d@bigantclimbing
真係眼冤，一返來就係五區總辭，諗起都發惡夢。
ReplyDelete不如全部辭晒佢，唔好再參選啦。
好同意你對社民既意見。咁多年黎，社民既舉動都係「選舉向」；佢地為所謂既「社會民主目標」，其實做過咩﹖
ReplyDelete至於公投，唔好討論有冇意義，更大既問題係，而家d人將公投等同政治show時，當中細節根本冇人討論過。
例如，而家香港7百萬人口，18歲以上人口接近6百萬，選民人數3百多萬，08年立法會選舉投票人數係150萬左右。即係，四成半選民投票，兩成左右香港人投左票。就算3百多萬選民全數投票，都唔及一半香港人口。
咁代表咩野公投﹖而家公民社民竟然話，佢地補選成功取得議席，就等於公投表示香港人支持普選﹖佢地對公投，究竟點理解﹖佢地近日所做既，又對公投(而非針對民主黨)有咩實際作用﹖
另外，如果佢地真係相信公投，真係相信人民自決，就唔該唔好批評民主黨唔玩會令到佢地有機會輸。
佢地心目中既公投議題，究竟係米「市民是否要求普選路線圖」﹖佢地係米真係相信「民主黨唔支持公投所以民主黨支持者都唔會支持要求普選路線圖」﹖
如果相信衣樣既話，咁公投議題係「支持民主黨」定係「要求普選路線圖」﹖再唔係，佢地真係認為「追求民主」「參與公投」係要政黨動員，要受你「草根階層」或「藍血人」去教育動員﹖
我好相信，以上既都唔係真正考慮。社民，肯家只係想以「選舉向」方式思考。
真係好核突。核突程度，等同陳偉業不停鬧左派攪旅行攪蛇宴，亦等同佢不停鬧泛民咁多年係議會咩都做唔到。衣幾樣，正正係陳偉業咁多年黎同樣做緊既野。
最後，如果真係相信公投，我就真係好認同「不如全部辭晒佢，唔好再參選啦」。
打咁多宇，打攪曬。
~goethe
ps，貼多d相仲好喇，你d相好靚。
公民社民連擺明想食「鴿」棍啦…
ReplyDelete參加就分你Ｄ票，選果陣講句「民主黨泛民地區實力最強」逼你出錢出力幫佢助選；唔參加就砌你「偽民主」、「民主罪人」……
甲. 為何無網民發起五區總辭網民意向投票?
ReplyDelete乙. 哥德給我你網誌密碼我想你了: mingpao AT gmail DOT com
選民J/網民G
政治，一日都嫌太長。
ReplyDelete個五區總辭已變成一個笑話，好笑的包括華叔投訴被年齡歧視，公民黨死雞撐飯蓋。
goethe,久不見，剛有點掛念。
ReplyDelete我就好想總辭呢台戲繼續玩，有用或冇用在其次，這只是有種或沒種之分。
真正的公投，好玩架，睇瑞士就知。
colin