九唔搭八

扭曲了/MK/Toy TLR/Dec 09

年青人反高鐵，反你呢個政府咩都未研究好就話要拎我669億，他們苦行斷食靜坐示威衝破那重重鐵馬，他們有氣有力，還可以唱歌跳舞搖旗吶喊。而你呢個政府，只懂在臨急關頭，收買傳媒，搞局長專訪，搬出一個二個古老石山唱好高鐵。簡直就係九唔搭八。

諗深一層，政府派出古老石山的目的，並唔係要說服在立法會門外紥營的年青人，局面已是那麼的一個Zero-sum game，你們喜歡反對便反對(反正任你在場外如何反對，議案在場內也定會通過)，但議案過了也要羸民意，呢個政府就以係要廣大市民都覺得你地呢班食米唔知米貴既年青人無謂阻街衝動。雙羸，原來就是這個意思。

社民連公民黨將於1月27日派出立法會議員辭職，搞個變相公投。當奴說政府不會承認公投，又指香港沒有公投法云云，宜家人地就係想將立法會五區補選以政改為單一議題，將之「變相」公投政改，就是要製造、凝聚民意，向北京施壓，亦令他們反對政改方案也反對得有民意所依。所以，如果一切如願，根本就不用你呢個政府承認公投結果，他們的目的都達到。北大人還搬出什麼公投是違法這等論調，來妖言惑眾，又一九唔搭八。

九唔搭八之事近來有很多，例如某公司高層叫員工支持他們多d。員工自問，我做得咁x辛苦，咁邊個支持我？我真係連自己都支持唔住。

呢個真係一個九唔搭八的世界。阿門。