有比這個更令人火滾的嗎？

圖片取自刁民公園

看完問題已嘔血，看完個分析就更火滾。

關於問題一
為什麼選答案一就得5分(即是成績最「差」)的分數？你唔畀我覺得自己既身份高過外國人架？出題者基本邏輯在那裡？

同樣地，為何選答案三就得1分(即係成績最「好」)的分數？你唔畀我覺得別人地語言文化都好過中國的嗎？為何選這個就代表自己「對中國人的身份抱有正面的態度」？

關於問題二
其實外國人係唔太識分辨中國人/日本人/韓國人/馬來西亞人....所以如果你對自己的民族的有一定認識，對自己有一定的自信，對世界有一定的體會，即使發生此事也不需要有什麼感覺。

如果我答，我選第一呀，在異地經常被認為是日本人，此程土耳其之行，連日本人都以為我是日本人，我覺得我多年鑽研日本時裝雜誌終有所成了!但我對於自己黃皮膚拿特區護也沒有感到慚愧，平常地澄清自己來自香港/中國，又有什麼問題？

關於問題三
香港夜景/茶樓飲茶，well，我兩樣都會介紹wor。因為香港夜景係靚，飲茶係好食，一樣係睇既，一樣係食既，點比較呢？我真係唔明.......

最令人火滾的是，「低」分者竟要「繼續努力」？努力什麼呀？努力去理解這個反智沒邏輯的心理測驗？我怕我點努力都唔會明。

其實，呢個心理測驗係笑話黎架jar？

大佬，我是有交稅的，而我的辛苦錢就養了這些反智的人做反智的事。你說，火不火滾？