Set my Soul Alight

You set my soul alight/ Muse in HK 2010/feb 10

以為最壞的2009 過去，怎知2010的第一個月比之前來得更瘋癲。真係人都癲。

以下的都是亂打的︰

呢期真係好唔開心，係好唔開心。唔開心到連野都唔想食，見到野食想作嘔，一日一餐已經夠。呢個情況以前都試過，結果一個星期清除了一年來累積的肥肉，即瘦。即瘦之後人反而變得開心左，因為瘦左，總叫做從不好的過程得到好的後果，點計都叫賺左。

一個星期六的晚上，好唔開心好唔開心，唔開心到喊唔出，只係能夠深呼吸，忍住作嘔的衝動。為左懲罰自己，我由北角行返屋企，一路上行得好慢。呢條路每日來來回回，但對於我黎講仍然好陌生。一路上，我諗︰兩個人，兩個腦，兩副身軀，如果真係要彼此坦蕩蕩，可能會覺得對方恐怖得嚇人。我只係想盡我所能對人對自己坦誠，呢個係我對自己最低最低既要求。如果相信愛可以包容，又何需包裝？

行下行下，行到第一間打記者工的公司。想起那年夏天，薪金微薄得可憐，為了慳錢，跑完ASSIGNMENT回公司前會在公司樓下的M記買一個蘋果批加一杯細奶記當晚餐，盛惠十蚊。那段好慳好慳日子，過了差不多兩年才有些微好轉，但仍不捨得以$29/$30 買Starbucks。都是那些日子。所以朋友問為何要轉行，我答因為冇錢飲starbucks，絕對不是頹答的。宜家一日一杯，其實都幾奢侈。

因為很辛苦，特別期待muse，我叫了跳了，只是沒有喝。開始明白為何有人會喜歡食煙飲酒。睡得不好，靠酒精幫助，工作不爽，我以airwave代替香煙，

腦內全是muse。stockholm syndrome，我覺得我都有d。

多謝每個祝我生日快樂的朋友，珍惜你們給我的每一個ＳＭＳ／ＦＢ　ＭＳＧ／電話。明年生日我一定會對自己好Ｄ。