可以停一下嗎？

烽火台/n年前/中大
(這裡記載了太多好時光)


其實我估好多0係中大讀過書0既人都有同感，自己好似0係一個永遠唔會完工0既地盤度讀書咁，東拆西起，呢頭「修」斜坡，0個頭又掘地，總之好地地0既一個花園，變成沙塵滾滾的地盤。我明白，中大0既斜坡真係多(但都唔洗日修夜修掛....)，地大脈博，又要「發展」，工程是少不免，之但係，起還起，為左起大d個圖書館連自己個招牌都拆埋，真係離譜lor !

程副校長發信話烽火台只係會唔見幾年，完工後一定原址重置。

咁即係話工程中0係中大讀書0既人，失去了從煲底直望烽火台而感到的「浩瀚」的回憶，亦不會明白為何中大人要日夜繞過烽火台死都不穿過去係因為怕「穿過去就畢唔到業」呢個「詛咒」會應驗，學生會商學會大大小小的諮詢大會辯論比賽都唔會0係烽火台發生，大家亦唔再可以以「太晒喇」成為自己摺埋唔關心旁事的理由，亦都唔會可以0係星空下倚靠著烽火台隊啤向天長嘯。

如果真係咁樣，我會勸有意入中大的人不要揀中大了，因為你們即使幾年後中大畢業，你們比起以前的中大人，實在失去了太多。

歷史告訴我們不要再相信「原址重置」，因為我們明白有d事情係冇得返轉頭。我點知第時地下多左個圖書館，地面會變成如何？如果到時有個校長話覺得整個迴旋電梯加旋轉門(還記得圖書館那扇不自動的無聊旋轉門嗎？)直達那個地下圖書館咪弊!

這個校長，實在挑動了太多中大人的太多神經。

可以停一下嗎？